ჩელსის მყიდველებს დრო პარასკევამდე აქვთ

Chelsea fans expressed their anger as the club suffers due to the owner's sanctions ბრიტანეთის მთავრობამ რომან აბრამოვიჩს ვადა დაუთქვა. შესაბამისად, რუსმა ოლიგარქმა თავის ამერიკელ ბანკირებს მოსთხოვა დააჩქარონ „ჩელსის“ გაყიდვა.

Chelsea saw their corporate credit cards blocked on Friday წუხელ, ლონდონური კლუბის მილიარდერმა მეპატრონემ „რეინ გრუპს“ განკარგულება მისცა, რომ ისინი დაუკავშირდნენ „ლურჯების“ შეძენის მსურველებს და სთხოვონ, რომ მათ თავიანთი წინადადებები შემდგომ პარასკევამდე წარმოადგინონ. და ეს მიუხედავად იმისა, რომ სანქციების თანახმად აბრამოვიჩი ამ ოპერაციით კაპიკს ვერ მოიგებს.

ამას წინ უძღოდა „ჩელსის“ კორპორაციული ბარათების გაყინვა. თურმე „ბარკლაიკარდმა“ იფიქრა, რომ თუ „ლურჯებს“ ვაჭრობის უფლებას არ ჩამოართმევდა, ამით კანონს დაარღვევდა.

ბანკირებმა თავი დაიზღვიეს. პუტინის მეგობრად წოდებული აბრამოვიჩის წინააღმდეგ დაწესებული სანქციების ფარგლებში ლონდონური კლუბის კორპორაციული ბარათები დაბლოკეს.

ბარათებთან დაკავშირებული გაუგებრობა წუხელვე მოგვარდა. „ლურჯების“ ოფიციალურმა პირებმა დაამტკიცეს, რომ კლუბის საბანკო ანგარიშები არავის დაუყადაღებია.

და მაინც, „ჩელსი“ ფულს კარგავს. მას აუკრძალეს სტადიონზე დასასწრები ბილეთების გაყიდვა და ატრიბუტიკით ვაჭრობა, ხოლო სპონსორმა Three-მ 40 მილიონ გირვანქიანი კონტრაქტი გაუწყვიტა.

გარდა ამისა, კლუბს დაავალეს ფეხბურთელების ხელფასების ჩათვლით ყველა ვალდებულების გასტუმრება. სახელფასო ფონდი კი თვეში 28 მილიონი გირვანქაა. და თუ ასეთ პირობებში ჩავარდნილი „ჩელსი“ ორ კვირაში ახალ პატრონს ვერ მოძებნის, ის ადმინისტრაციულ მმართველობაში გადაეცემა.

ცნობილი გახდა, რომ „რეინ გრუპი“ ბრიტანეთის მთავრობისთვის კლუბის გაყიდვის ექვსკვირიანი ლიცენზიის თხოვნას აპირებს.

თავის მხრივ პრემიერლიგა ირწმუნება, რომ „ჩელსის“ შეჯიბრებებში მონაწილეობას არანაირი ხიფათი არ ემუქრება. მთავრობა მზადაა გაზარდოს გასვლით მატჩებზე სამოგზაუროდ გამოყოფილი 20 000 გირვანქის ტოლი ლიმიტიც. კლუბს არავინ უკრძალავს სატელევიზიო შემოსავლების მიღებას, მაგრამ ამ ფულით დავალიანებას ვერ გაისტუმრებს. ამ თანხის გამოყენება ტრანსფერებშიც არ შეიძლება.

„ჩელსი“ ხელისუფლებისგან საღ აზრს ითხოვს. მოლაპარაკებები დღეს გაგრძელდება.