„კოპა ამერიკის“ ფინალში სამხრეთ ამერიკული კლასიკო იქნება – ბრაზილია vs არგენტინა. გადამწყვეტი მატჩის წინ ორივე გუნდი დამშეულია ბრაზილიას 2007 წლის შემდეგ არ მოუგია, ხოლო არგენტინა 1993 წლიდან მოყოლებული ცდილობს კონტინენტზე საუკეთესო გახდეს.
„კოპა ამერიკის“ მოგება ასევე აუხდენელი ოცნებაა მსოფლიოს ყველა დროის ერთ-ერთი საუკეთესო ლეო მესისთვის. ახლა იქნებ ეს ბოლო შანსი იყოს. მესიმ კოლუმბიასთან ნახევარფინალურ მატჩში ტრავმა მიიღო და კოჭიდან სისხლიც სდიოდა, მაგრამ მაინც ბოლომდე ითამაშა და პენალტების სერიაშიც დაგვანახა ოსტატობა.
ბრაზილიას კი ფინალში გაბრიელ ჟესუსი დააკლდება, რომელმაც ჩილესთან მეოთხედფინალურ მატჩში წითელი ბარათი მიიღო. კომნებოლის ფედერაციამ ბრაზილიელს ორმატჩიანი დისკვალიფიკაცია გამოუწერა. თუმცა, არც არავინ ელოდა, რომ უფრო ლმობიერი სასჯელი იქნებოდა – ჟესუსმა გაშლილი ფეხი სახეში ჩასცხო მეტოქეს.
გადამწყვეტი მატჩი 11 ივლისს, „მარაკანაზე“ გამართება და 03:00 საათზე დაიწყება.
ავტორის პროფილი
- გიორგი ვაშაკიძე იტალიაში რომ დაბადებულიყო,უთუოდ კოვერჩანოს სიახლოვეს იცხოვრებდა. იტალიური ფეხბურთის და ქართული ფიალის სწორუპოვარი მოტრფიალე. ყოველთვის მოუთმენლად ელის ხელფასს, "მილანის" დაბრუნებას და ქართული ფეხბურთის აყვავებას.
უახლესი პოსტები
კატეგორიის გარეშე28/10/2025 | 12:33თბილისის აკადემია ჩემპიონია
კატეგორიის გარეშე23/09/2025 | 00:56… ის არის დემბელე!
კატეგორიის გარეშე01/09/2025 | 22:46კიდევ ერთი ქართველი უოტფორდში
კატეგორიის გარეშე16/08/2025 | 22:05კიტეიშვილის დუბლი შესვენებამდე