ბასილაშვილის ავსტრალია

Image result for basilaShvili in australian open ავსტრალიურ მელბურნში სტარტი აიღო სეზონის პირველმა სლემტურნირმა.

საქართველოს ერთადერთი წარმომადგენელი ნიკოლოზ ბასილაშვილი პირველ შეხვედრას 9 თებერვალს გამართავს. მისი მეტოქე ამერიკელი ტომი პაული იქნება. პაული მსოფლიოს 53-ე ჩოგანია, თუმც ჯერ პროფტურში ტიტული არ მოუგია.

ბასილაშვილმა შარშან, ავსტრალიის ღია პირველობაზე ერთი წრე დაძლია, მისმა მეტოქემ კი მესამე წრემდე გააღწია. ამ წყვილში გამარჯვებული რუდი-ტომპსონის წყვილში გამარჯვებულს დაუპირისპირდება.

ნორვეგიელი კასპერ რუდი მსოფლიოს 27-ე ჩოგანია და ამავე ნომრით არის განთესილი. რაც შეეხება ავსტრალიელ ჯორდან ტომპსონს, ჯაბანი არც ის უნდა იყოს – სადღეისოდ მსოფლიო რეიტინგის 52-ე ნომერია.

ნიკამ ავსტრალიაში ერთ ტურნირში უკვე მოსინჯა ძალები, მაგრამ პირველსავე წრეში მეორე ასეულის ბინადართან დამარცხდა. იმედი ვიქონიოთ, რომ ამჯერად სტარტი გაცილებით წარმატებული აღმოჩნდება.

ავტორის პროფილი

გიორგი ნოზაძე: მას შეეძლო, დილის 11 საათისთვის გაზეთის ორი გვერდი მზად ჰქონოდა და გადაერეკა თანამშრომლებისთვის - ნუ შეწუხდებით, სამსახურში ნუღარ მოხვალთ, საქმე გაკეთებულია. ფეისბუკის ნამდვილი ფეისი. ის გახლავთ სოციალურ ქსელში "მოამბეც" და "ვრემიაც".