ჩემპიონის მე-17 ტიტულისკენ კიდევ ერთი მოზრდილი ნაბიჯი გადადგა კახა კაჭარავას გაწვრთნილმა თბილისის „დინამომ“ – თბილისელებმა ბათუმელი თანაკლუბელები ისტუმრეს და ლევან გეგეჭკორის გოლითა და ბექა მიქელთაძის ჰეთ-თრიქით 4:0 გაანადგურეს.
ჩემპიონატის დამთავრებამდე სამი ტურით ადრე „დინამომ“ უახლოეს მდევარ „ტორპედოსთან“ ოთხქულიანი ჰანდიკაპი შეინარჩუნა და მცირე სასწაული უნდა მოხდეს საამსეზონო ტიტული თბილისელებმა ქუთაისელებს დაუთმონ. ახლა , „ტორპედოს“ ერთი წაფორხილება „დინამოს“ ჩემპიონობას უკვე ოფიციალურად დაადასტურებს. არადა, ბოლო ტურში სწორედ „დინამო“ – ტორპედოა“…
თბილსამდე კი „ტორპედომ“ მეზობელი „სამტრედია“ მიიღო. მეორე-მესამე ადგილოსანთა მატჩმა ქომაგის მოლოდინი ბოლომდე ვერ გაამართლა, რადგან „ტორპედომ“ „სამტრედიას“ ზედმეტი გართულებების გარეშე – 2:0 სძლია და ჩემპიონობისთვის ბრძოლას მცირე ინტრიგა მაინც შეუნარჩუნა. ქუთაისელთაგან დუბლით თორნიკე კაპანაძე გამოირჩა, რომელმაც ერთხელ პირველ ტაიმში დაამწუხრა სამტრედიელები, მეორეში – მეორედ.
ბადრი კეთილაძის ფოტოები
33-ე ტურის სხვა მატჩები ასე დასრულდა: „კოლხეთი“ (ფოთი) – „დილა“ (გორი) 1:0, „ლოკომოტივი“ (თბილისი) – „შუქურა“ (ქობულეთი) 2:2, „საბურთალო“ (თბილისი) – „ჩიხურა“ (საჩხერე) 1:2
1.დინამო (თბ) 33 22 5 6 78:28 71
2.ტორპედო 33 20 7 6 53:26 67
3.სამტრედია 33 18 7 8 50:35 61
4.საბურთალო 33 16 5 12 57:40 53
5.ლოკომოტივი 33 16 5 12 60:45 53
6.ჩიხურა 33 15 4 14 41:51 49
7.დილა 33 10 7 16 37:47 37
8.დინამო (ბთ) 33 10 3 20 26:54 33
9.კოლხეთი 33 5 8 20 29:63 23
10.შუქურა 33 3 9 21 33:75 18
დარჩენილი მატჩები
34-ე ტური, 18 ნოემბერი შუქურა – დინამო (თბ), სამტრედია – კოლხეთი, ჩიხურა – ტორპედო, დილა – ლოკომოტივი, დინამო (ბთ) – საბურთალო
35-ე ტური, 22 ნოემბერი კოლხეთი – ჩიხურა, ტორპედო – დინამო (ბთ), საბურთალო – დინამო (თბ), დილა – შუქურა, ლოკომოტივი – სამტრედია
36-ე ტური, 26 ნოემბერი შუქურა – საბურთალო, დინამო (თბ) – ტორპედო, დინამო (ბთ) – კოლხეთი, ჩიხურა – ლოკომოტივი, სამტრედია – დილა
