აგენტმა ფურიო ვალკარეჯიმ განაცხადა, რომ მარიო ბალოტელისთვის უკეთესი იქნება თუ საფეხბურთო კარიერას დაასრულებს.
„წინა სეზონში ბალოტელის კიდევ ჰქონდა შანსი, მაგრამ ახლა, ვფიქრობ, უმჯობესი იქნება კარიერა დაასრულოს. მისმა აგენტმა რაიოლამ, პასუხისმგებლობის ნაწილი საკუთარ თავზე უნდა აიღოს და ეცადოს მარიოს დაეხმაროს. ამის მაგივრად ის ბალოტელის როგორც დიდ ჩემპიონს, ისე წამოადგენს და მერე ყველა გუნდი გაწბილებული რჩება მისით,“ – ციტირებს ვალკარეჯის სიტყვებს Football Italia.
გადარეული „ბალოს“ ბოლო კლუბი „ბრეშა“ გახლდათ, რომელშიც ის შარშან ზაფხულს გადავიდა თავისუფალი აგენტის სტატუსით. სეზონის ბოლოს კი, დიდი ალბათობით, მშობლიური ქალაქის კლუბსაც დატოვებს.
