ტოჩი ნულიდან იწყებს

12 იანვარს იაპონიაში 2020 წლის პირველი – ხაცუ-ბაშო აიღებს სტარტს. ტურნირის დაწყებამდე ტრადიციულად გამოქვეყნდა სუმოს ელიტის ახალი რანგირება. ჩვენი ლევან გორგაძე სულ ცოტა ხნის წინ ოძეკის (ჩემპიონის) ტიტულს ატარებდა. რამდენიმე მარცხიანი ბაშოსა და ქრონიკული ტრავმების გამოისობით, ჩვენებურმა ჯერ ოძეკის, მერე კი სეკივაკეს ცოტა უფრო მოკრძალებული ტიტულიც დაკარგა.

ლევანი ხაცუ-ბაშოს მე-6 მაეგაშირას რანგში ხვდება, რაც ფაქტობრივად, მწვერვალებისკენ გზის ნულიდან დაწყებას ნიშნავს.

წილი უკვე ნაყარია. ბაშოს პირველ დღეს ტოჩინოშინი სიოხოძანს შეებრძოლება, მეორე დღეს კი მისი მეტოქე ონოსიო იქნება.

ავტორის პროფილი

გიორგი ნოზაძე: მას შეეძლო, დილის 11 საათისთვის გაზეთის ორი გვერდი მზად ჰქონოდა და გადაერეკა თანამშრომლებისთვის - ნუ შეწუხდებით, სამსახურში ნუღარ მოხვალთ, საქმე გაკეთებულია. ფეისბუკის ნამდვილი ფეისი. ის გახლავთ სოციალურ ქსელში "მოამბეც" და "ვრემიაც".