ლებრონმა ებრაელებს ბოდიში მოუხადა

Home კატეგორიის გარეშე ლებრონმა ებრაელებს ბოდიში მოუხადა
კატეგორიის გარეშე
24/12/2018 | 16:0919/05/2026 | 05:44By გიორგი ნოზაძე

ვინ არის ლებრონ ჯეიმსი? ორი სიტყვით ამის ახსნა ძმელია. ჯერ ერთი, ეს ის კაცია, ვინაც მაიკლ ჯორდანის ყველა დროის უდიადესობას კითხვის ნიშანი დაუსვა… ეს ის კაცია, ვინაც მანამდე უფერული კლივლენდი NBA-ს მექად აქცია…. ის კაცია, ვისაც სოციალურ ქსელებში 43,5 მილიონი ხელმომწერი ჰყავს და ასეთი აუდიტორიით პრაიმტამშიც კი ვერც ერთი SNN ვერ დაიტრაბახებს…

მოკლედ, ლებრონი უგვირგვინო მეფეა და მის ყველა სიტყვას მიკროსკოპში ატარებენ. რამ დააწერინა: “ჩვენ გავჭერით ეს ებრაული ფული. ნაღდი ქაშერულია!” ფრაზამ ებრაული თემის აღშფოთება გამოიწვია და ლებრონს სასწრაფოდ ბოდიშის მოხდა მოუხდა: “მიყვარს მანქანაში რეპის მოსმენა და ეს ფრაზა ერთ-ერთი ჩემი საყვარელი შემსრულებლის, “21 SAVAJE” რეპერტუარიდანაა. მექანიკურად გადმოვწერე და ბოდიშს ვიხდი, თუ ვინმეს რელიგიური ან ეროვნული გრძნობები უნებლიედ შევურაცხვყვე. ეს მიზნად ნამდვილად არ მქონია”.

ვერაფერს იტყვი: მეფეს ბოდიშიც კი მეფური უხდება.

ავტორის პროფილი

გიორგი ნოზაძე
მას შეეძლო, დილის 11 საათისთვის გაზეთის ორი გვერდი მზად ჰქონოდა და გადაერეკა თანამშრომლებისთვის - ნუ შეწუხდებით, სამსახურში ნუღარ მოხვალთ, საქმე გაკეთებულია. ფეისბუკის ნამდვილი ფეისი. ის გახლავთ სოციალურ ქსელში "მოამბეც" და "ვრემიაც".
Post Views: 2