უცნაური ამბავი მოხდა პერუს თასის მატჩის დროს. „სპორტ ხუანტა“ – „იუნიონ კიმბირის“ მატჩის 25-ე წუთი იყო, როცა მოედანზე პოლიცია შეიჭრა, „იუნიონის“ თავდამსხმელ სესარ აუგუსტო მონტალვო დააკავა, მანქანაში ჩასვა და წააბრძანა.
სამართალდამცავები ეჭვობს, რომ ფეხბურთელი არა აუგუსტო მონტალვო, არამედ ხოსე კონტრერასია და ორი წელია, სხვა სახელით ცხოვრობს. ხოსე კონტრერასს კი რაღაც დანაშაულები ჩაუდენია.
საინტერესოა, რომ შემდეგ გუნდის მწვრთნელებიც დაუპირისპირდნენ ერთმანეთს. „იუნიონის“ მწვრთნელი პოლიციელთა მიერ წაყვანილი მონტალვო-კონტრერასის შეცვლას აპირებდა, მაგრამ მისმა კოლეგამ – ეგრე არ შეიძლებაო. ანუ, გაძევებად უნდა ჩაეთვალოს და არ უნდა შეიცვალოსო… ალიაქოთში სხვებმაც მიიღეს მონაწილეობა.
თამაში შეწყდა და რა ანგარიშიც იმ დროს იყო, ის დაფიქსირდა საბოლოოდ. 2:0 მოიგო „სპორტ ხუანტამ.
https://www.youtube.com/watch?v=tCyz8MX2ENM
ავტორის პროფილი
- ლუკა თალაკვაძე ნამდვილი სარბიელელია. ყველას შემწე, გვერდში მდგომი, ალალი და უსაყვედურო. ჟურნალისტის პროფესიის ქიციც იცის და ქიცმაცურიც.
უახლესი პოსტები
კატეგორიის გარეშე17/04/2026 | 18:09ერთი დღის ორი ოქრო
კატეგორიის გარეშე17/04/2026 | 15:15საქართველო ესპანელს ჩაბარდა
კატეგორიის გარეშე09/04/2026 | 17:23საქართველო მსოფლიო თასის ფლეი ოფშია
დავთარი25/03/2026 | 21:25ახალი კაპიტანი