კიდევ ერთი ქართველი ფეხბურთელი დამკვიდრდა კარგ ევროპულ გუნდში. გიორგი პაპუნაშვილი ბოლო დროს მაგრად ათამაშდა „სარაგოსაში“. ახლა ქვედა ლიგაშია, სეგუნდაში, მაგრამ ეს ის „სარაგოსაა“, თასების თასი რომ მოიგო 90-იან წლებში და პრიმერაში დაბრუნების შანსი აქვს.
ესპანური სეგუნდა დივიზიონის ზედიზედ მეორე მატჩში გაიტანა. „სარაგოსას“ ქართველმა ნახევარმცველმა წინა ტურში „რაიო ვალეკანოსთან“ დააქუხა შორიდან, ახლა კი „ალმერიასთან“ 2:1 მოგებულ შეხვედრაში შეაგდო.
„პაპუ“ სასტარტოში იყო და ტაიმნახევარი ითამაშა. გოლი კი ახლოდან, დაბალი დარტყმით გაიტანა. ამ გოლით ანგარიში 1:0 გახდა. „ლა რომარედას“ სტადიონზე შეკრებილმა ქომაგებმა ტაშითა და სკანდირებით გააცილეს ქართველი მინდვრიდან.
„სარაგოსა“ მეოთხე ადგილზე, საფლეიოფო ზონაშია და არც ისაა გამორიცხული, პირველ-მეორეზე გავიდეს და პრიმერაში პირდაპირ გადავიდეს.
კარგი შემტევი ნახევარმცველია პაპუნაშვილი. ცაციით ძლიერი და ზუსტი დარტყმით.
ავტორის პროფილი
- კობა ინასარიძე–ანი ინასარიძის და ექსკლუზიური მასალების მამა. ხშირად შემჩნეულია ქართულ ფეხბურთში არსებული განუკითხაობისა და არაპროფესიონალიზმის წინააღმდეგ ბრძოლაში. დელიკატესებიდან უყვარს "სარბიელი", ლუდი და გერმანიის ნაკრები.
უახლესი პოსტები
დავთარი16/11/2025 | 20:50წახვალ, ვილი ???
კატეგორიის გარეშე06/05/2025 | 08:06პლატინის გუნდი აღზევდა
კატეგორიის გარეშე03/05/2025 | 10:22დიდი მისვლა-მოსვლა ევროპაში
კატეგორიის გარეშე03/04/2025 | 07:38კვარამ ივარჯიშა