ყველაზე ძვირი გუნდი

Matteo Darmian of Inter Milan celebrates after scoring his team first goal during the Italian Serie A football match Inter Milan vs Napoli at San... „ინტერს” იტალიაში ყველაზე ძვირადღირებული გუნდი ჰყავს. სერია A-ში სიმონე ინძაგის ფეხბურთელებს სატრანსფერო ფასით ვერავინ შეედრება. მონაცემთა ბოლო განახლების დროს Transfermarkt-მა დაწერა, რომ წინა დათვლასთან შედარებით „შავ-ლურჯების” ჯამურმა ფასმა არც მეტი-არც ნაკლები 33,5 მილიონი ევროთი მოიმატა. ახლა „ნტერის” მოთამაშეთა ღირებულება 622,35 მილიონი ევროა. შედარებისთვის: ინტერელთა თანაქალაქელი „მილანი” 100 მილიონი ევროთი ნაკლები ღირს.

როდესაც „ნერაძურიზე” ვლაპარაკობთ, აუცილებლად უნდა აღვნიშნოთ, რომ Transfermarkt-ის თანახმად მის ფეხბურთელთა საშუალო ფასი 24,89 მილიონ ევროს უდრის ანუ 20 მილიონიან ნიშნულს აღემატება . ასე ძვირად თვით „იუვენტუსის” მოთამაშეებიც კი არ არიან შეფასებული. და კიდევ ერთი: „ინტერის” გარდა ერთადერთი იტალიური კლუბი, რომელსაც 20 მილიონიანი ნიშნული აქვს გადალახული ისევ „მილანია”, რომლის ფეხბურთელთა საშუალო ღირებულება 20,5 მილიონს უდრის.