ბოლოსდაბოლოს, ინგლისელები პრემიებს მიიღებენ

დღეს ინგლისის ფეხბურთის ასოციაცია დიდი ბრიტანეთის მთავრობას ვალს, 175 მილიონ გირვანქას დაუბრუნებს და ხელ-ფეხი გაეხსნება — ევრო 2020-ის მონაწილე ფეხბურთელები, ბოლოსდაბოლოს თავიანთ პრემიებს მიიღებენ.

ინგლისური ფეხბურთის შეფებმა შარშან დეკემბერში კორონაპანდემიის სავალალო შედეგებისთვის თავის დასაღწევად დამატებითი დაფინანსება მოითხოვეს.

„სანმა“ შეიტყო, რომ ასოციაცია დღეს, დღის ბოლომდე აპირებს ვალის მთლინად გასტუმრებას. და სწორედ ეს იყო დაბრკოლება, რომელიც ამ ორგანიზაციას ნაკრების მოთამაშეებისთვის პრემიების გადახდაში უშლიდა ხელს.

შეგახსენებთ, რომ ინგლისის ნაკრები ევრო 2020-ზე მეორე ადგილზე გავიდა. ჩემპიონი იტალია გახდა, რომელმაც ძირითად და დამატებით დროში 1:1-ის შემდეგ, პენალტებში მოუგო შეხვედრის მასპინძლებს.

თანხა, რომელიც ინგლისის ნაკრების ფეხბურთელებმა მეორე ადგილზე გასვლისთვის უნდა მიიღონ, კაცზე 300 000 გირვანქაა.