ცუდი კალათბურთი

May be an image of 2 ადამიანი, people playing sports, ball და შიგნით საქართველოს საკალათბურთო ნაკრებმა ერთ-ერთი ყველაზე ცუდი მატჩი ჩაატარა და თბილისური „ბაბლის“ პირველ დღეს სერბეთთან 66:92 განადგურდა.

მართალია, საქართველოს ნაკრები არ იყო უძლიერესი შემადგენლობით, მაგრამ სერბებსაც ბევრი ვარსკვლავი აკლდათ, ამიტომაც ასეთი ანგარიშით მოგებას თავადაც ვერ წარმოიდგენდნენ.

არადა, თამაში რომ დაიწყო, დიდი ხანი თითქმის თანაბარი ბრძოლა მიდოდა, მაგრამ გუნდებს ქულების მოხვეჭა უჭირდათ. მეორე პერიოდის მესამე წუთის ბოლოს 16:15 დავწინაურდით და აქედან დაიწყო ჩვენი „წვალება“. სერბებმა მოუმატეს და პირველი ტაიმი სამი ქულით წავაგეთ. ამას თან დაერთო კონერ ფრენკამპის ტრავმა, რომელიც ჩვენს ეროვნულ გუნდში პირველ მატჩს ატარებდა და არც თუ ურიგოდ. სანამ მოედანზე იყო კონერმა 10 ქულა მიითვალა, მაგრამ ტრავმა უწყინარ სიტუაციაში მიიღო და, როგორც ერთი შეხედვით გამოჩნდა, საკმაოდ რთულიც.

შევენების შემდეგ ჩვენი დაცვა საერთოდ მოიშალა და მეტოქე ყველა წერტილიდან ერთნაირი სიზუტით უტევდა. მესამე პერიოდის შემდეგ საქართველო 11 ქულას აგებდა. მატჩის ბედი გადაწყვეტილი იყო და სერბებს ლოგიკური სამი ქულის ჩაწერა არ გასჭირვებიათ.

ავტორის პროფილი

ირაკლი ნინიძე: ლეგენდის თანახმად, ამხანაგი ირკალი ნინიძე „სარბიელის“ ავტორია გასული საუკუნიდან, თუმცა ზუსტად რომელი წლიდანაა გადაჯაჭვული მისი ბედი „სარბიელთან“, ლეგენდა დუმს. რატომ დუმს ? იმიტომ, რომ ამხანაგ ნინიძეს არ უყვარს მოლაპარაკე ლეგენდები. მას უყვარს სპორტი, წერა და სპორტზე მარჯვედ წერა...