ალაბას მადა: 125 მილიონი

ახლა კი გასაგებია, რატომ ვერ პოულობს საერთო ენას მიუნხენის „ბაიერნი“ მცველ დავიდ ალაბასთან.

ფეხბურთელი და მისი აგენტი პინი ზაჰავი 5-წლიან კონტრაქტს და ჯამში 125 მილიონ ევროს ითხოვენ. 28 წლის ავსტრიელის კონტრაქტი 2021 წლის ივნისამდეა ძალაში. თუ „რეკორდმაისტერიდან“ წასვლა მოუწევს, ალაბას ესპანეთში ბურთაობა სურს, თუმცა ფინანსური კრიზისის პირობებში მისი მადის დაკმაყოფილებას ესპანური გრანდებიც კი ვერ შეძლებენ.

აღნიშნულთან დაკავშირებით კომენტარის გაკეთება მიუნხენელთა პრეზიდენტ მოუხდა: „ჩვენთვის ტრანსფერთან დაკავშირებით არავის მოუმართავს. ჩვენ მას აბსოლუტურად სამართლიანი და იმავდროულად კონკურენტუნარიანი წინადადება შევთავაზეთ“.