გოგამ ისევ მოიგო

გოგა ბითაძის „ორლანდო მეჯიქი“ მოფერიანდა, ბოლო შვიდ მატჩში მეექვსედ მოიგო და აღმოსავლეთ კონფერენციის სატურნირო ცხრილში ვითარება გაიუმჯობესა.

„ჯადოქრებმა“ გამთენიისას „ნიუ იორკ ნიქსი“ 133:121 დაჩაგრეს. ბითაძემ 19.07 წუთი ითამაშა, რა დროშიც 6 ქულა, 7 მოხსნა, 3 პასი, თითოც ჩაჭრა და დაფარება მიითვალა. გოგამ ოთხიდან სამი ორქულიანი ჩააგდო, ხოლო სამიანი და საჯარიმო არ უსვრია. პასივში ერთადერთი დაკარგვა ჰქონდა, მისი მოედანზე ყოფნის პერიოდში კი „ორლანდომ“ მეტოქეს ექვსი ქულით აჯობა.

ახლა „ორლანდო“ 10 მოგებითა და შვიდი მარცხით აღმოსავლეთ კონფერენციში მეშვიდე ადგილზეა, მომდევნო მატჩს კი, 24 ნოემბერს, სტუმრად „ბოსტონის“ წინააღმდეგ ითამაშებს.

Knicks beat Magic 108-85