70 წლის ლუი ვან გაალმა სიმსივნე დაამარცხა. ამის შესახებ თავად განაცხადა… ნიდერლანდების ნაკრების მწვრთნელმა ერთი კვირის წინ თქვა, რომ მძიმე დაავადება აწუხებდა (პროსტატის სიმსივნე) და პრესას რომ არ გაეგო, ისე მკურნალობდა. ახლა კი სასიხარულო ინფორმაცია გააჟღერა:
„მთლიანი კურსი გავიარე. 25 სეანსი დამჭირდა, ამის შემდეგ კი 5-6 თვე უნდა მომეცადა, რათა შედეგები მენახა. კურსმა წარმატებით იმოქმედა, სიმსივნე დამარცხებულია!“.
ვან გაალმა მსოფლიო ჩემპიონატზე გაიყვანა ნიდერლანდები (წინა მონდიალი გამოტოვეს) და ჯგუფში ეს მეტოქეები ეყოლება – სენეგალი, ყატარი და ეკვადორი.
