ბენზემა პირველია

See the source image ესპანურმა გამოცემა „მარკამ“ მომხმარებელთა შორის ინტერნეტ-გამოკითხვა ჩაატარა, ვის მისცემდნენ „ოქროს ბურთს“.

გამოკითხვაში მცირე უპირატესობით გაიმარჯვა მადრიდის „რეალისა“ და საფრანგეთის ნაკრების ფორვარდმა ქარიმ ბენზემამ. მას მკითხველთა ხმების 38% ერგო.

ბენზემას სულ ერთი პროცენტით ჩამორჩა არგენტინის ნაკრების და ფრანგული პსჟ-ის ლიდერი ლეო მესი.

დანარჩენი ადგილები ასე განაწილდა:

3. რობერტ ლევანდოვსკი (ბაიერნი, პოლონეთი) – 14%.

4. კრიშტიანუ რონალდუ (მანჩესტერი, პორტუგალია) – 4%.

5. ჟორჟინიო (ჩელსი, იტალია) – 3%.

6. ნგოლო კანტე (ჩელსი, საფრანგეთი) – 2%.

შეგახსენებთ, რომ ეს მხოლოდ ერთი კონკრეტული გამოცემის მიერ ჩატარებული გამოკითხვაა და შესაძლოა, სულაც არ დაემთხვეს საბოლოო შედეგს, მაგრამ ზოგადი განწყობების შესახებ გარკვეულ წარმოდგენებს ნამდვილად ქმნის.

ავტორის პროფილი

გიორგი ნოზაძე: მას შეეძლო, დილის 11 საათისთვის გაზეთის ორი გვერდი მზად ჰქონოდა და გადაერეკა თანამშრომლებისთვის - ნუ შეწუხდებით, სამსახურში ნუღარ მოხვალთ, საქმე გაკეთებულია. ფეისბუკის ნამდვილი ფეისი. ის გახლავთ სოციალურ ქსელში "მოამბეც" და "ვრემიაც".