მოიგო და ალალია

გიო ჩაკვეტაძემ ბოლო ერთ წელიწადში ქართული ფეხბურთის ყველა ქომაგის გული მოიგო. ჰოდა, სპორტულმა ჟურნალისტებმაც ის გააპირველეს.

ამ ასაკში საუკეთესოობა გიო ქინქლაძის მერე არავის რგებია. „სარბიელმა“ დაჯილდოების ცერემონია ტრადიციულ პარტნიორ „ლიდერბეთთან“ ერთად კიდევ ერთი მეგობრის – „ბეარ თაიმის“ ტერიტორიაზე გამართა.

გიორგი ჩაკვეტაძე მოკრძალებული ბიჭია და უნდა გენახათ რა სახე ჰქონდა, როცა პირველობას პირველი მწვრთნელი თამაზ კოსტავა, ალექსანდრე ჩივაძე და ფეხურთის ფედერაციის ხელმძღვანელები რომ ულოცავდნენ.

კიდევ ერთხელ გილოცავ გიო და იმ ფრაზას გაგიმეორებ, პრიზის გადმოცემამდე ჩემი კოლეგების მიმართ რომ გითხარი: „გილოცავ, მაგრამ ამათ ნაკლებად მოუსმინე. უბრალოდ, შენი საქმე აკეთე. 19 წლის ასაკში პირველობა დიდი ტვირთია და უნდა ზიდო“.

გიორგი ჩაკვეტაძემ საუკეთესო ფეხბურთელის პრიზი სარბიელელი კობა ინასარიძისგან ჩაიბარა

ვეტერანი ფეხბურთელები დაჯილდოებისას. მარცხნიდან: გოგა გახოკიძე, ალექსანდრე იაშვილი, ალექსანდრე ჩივაძე, ოთარ გაბელია, დავით მუჯირი

მარცხნიდან: „სარბიელის“ დირექტორი გია ოქრომჭედლიძე, ვეტერანი ფეხბურთელები – თამაზ კოსტავა, ვახტანგ ქორიძე, გელა კეტაშვილი, სფფ-ის პრეს-სამსახურის უფროსი ოთარ გიორგაძე

კოლეგები: გიგა გვენცაძე (საზოგადოებრივი მაუწყებელი), ლევან სალუქვაძე (სილქ ტვ), გია ტუხაშვილი (ლელო), განათლების, მეცნიერების, სპორტისა და კულტურის სამინისტროს სპორტის დეპარტამენტის უფროსი ირაკლი დოლაბერიძე

სახალისო ლატარიაში საუკეთესო ფეხბურთელის მაისურა სარბიელელმა გიორგი დარჯანიამ მოიგო

ხატია ჯიჯეიშვილის ფოტოები

ავტორის პროფილი

გიორგი ნოზაძე: მას შეეძლო, დილის 11 საათისთვის გაზეთის ორი გვერდი მზად ჰქონოდა და გადაერეკა თანამშრომლებისთვის - ნუ შეწუხდებით, სამსახურში ნუღარ მოხვალთ, საქმე გაკეთებულია. ფეისბუკის ნამდვილი ფეისი. ის გახლავთ სოციალურ ქსელში "მოამბეც" და "ვრემიაც".