ჯასტინ ბიბერი VS ტომ კრუზი ოქტაგონზე

არადა, შეთავაზება თავხედური იყო. კანადელმა მომღერალმა UFC-ის პრეზიდენტ დეინ უაიტს მიმართა, ტომ კრუზთან ბრძოლა გამიჩარხეო და დააყოლა: „ის ვერასოდეს გადახარშავს სირცხვილს, თუ ამ გამოწვევაზე უარს იტყვის“. უაიტმა ბიბერი პასუხის ღირსადაც არ ჩათვალა, მაგრამ კულისებიდან ჰაბიბ ნურმაგომედოვის მიერ ნაცემი და ჩემპიონობადაკარგული კევინ მაკგრეგორი გამოხტა – მე ვიკისრებ ბრძოლის ორგანიზებასო.

ბიბერი მიხვდა, რომ ჰაერში ცუდი სუნი (მისივე გამოისობით) დატრიალდა და უკან დაიხია: „ეს მხოლოდ ხუმრობა იყო. დარწმუნებული ვარ, ტომ კრუზი გემრიელად გამლახავდა. მასში მამობრივი ძალა იგრძნობა“.

ავტორის პროფილი

ირაკლი ნინიძე: ლეგენდის თანახმად, ამხანაგი ირკალი ნინიძე „სარბიელის“ ავტორია გასული საუკუნიდან, თუმცა ზუსტად რომელი წლიდანაა გადაჯაჭვული მისი ბედი „სარბიელთან“, ლეგენდა დუმს. რატომ დუმს ? იმიტომ, რომ ამხანაგ ნინიძეს არ უყვარს მოლაპარაკე ლეგენდები. მას უყვარს სპორტი, წერა და სპორტზე მარჯვედ წერა...