ქურდობა ჩვენი სპორტია?

თურქულმა მედიამ ქართველი სპორტსმენების “წარმატებების” შესახებ გვამცნო – ქურდობის ბრალდებით თურქეთში შეკრებაზე მყოფი „ცხინვალის“ ხუთი ფეხბურთელია დაკავებული.

ჯერჯერობით არ გავრცელებულა კლუბის ოფიციალური პოზიცია, რაც კიდევ უფრო გვაფიქრებს.

სამაგიეროდ, უკვე გავრცელდა განცხადება სფფ-ის სახელით. ქართული ფეხბურთის მმართველი ორგანო გმობს სავარაუდო დანაშაულს და მოუწოდებს კლუბს სათანადო ზომების გატარებისკენ.

დანაშაულის დადატურების შემთხვევში ფეხბურთელთა მიმართ სათანადო ღონისძიებას თურქული პოლიცია და სასამართლოც მშვენივრად გაატარებს.

ფედერაციას კი იდეას მივაწვდით: რამდენიმე წლით აუკრძალოს საზღვარგარეთული შეკრება კონკრეტულ კლუბს და ყველა ამგვარ დამრღვევს. საქართველოს იმიჯის შესალახად ქართული ფეხბურთის განვითარების ფონდის თუ საბიუჯეტო სახსრებით ასეთი ვოიაჟების დაფინანსება მეტისმეტი ფუფუნება ხომ არ არის?