ბასილაშვილი ამერიკაში მასპინძლებს არ ინდობს

ამერიკის ღია პირველობაზე ნიკოლოზ ბასილაშვილმა ერთ მასპინძელს მეორეც მიაყოლა და მომდევნო წრეში მესამეს შეხვდება.

მეორე წრეში ჩვენებურმა ორსაათიან მატჩში მაქსიმ კრესი 7:6; 6:3; 7:5 დაამარცხა.

ნიკოლოზმა ერთი ამოსუნთქვით ჩაატარა მატჩი და მთელი თამაშის განმავლობაში სიტუაციას აკონტროლებდა. მართალია, პირველ და მესამე სეტში საკუთარი მოწოდება თითოჯერ დათმო, მაგრამ მაინც მეტოქეზე უკეთ გამოიყურებოდა და პრობლემები, ფაქტობრივად, არ შექმნია.

მომდევნო წრეში ქართველი ჩოგბურთელი ამერიკელ რეილი ოპელკას შეხვდება, რომელიც მსოფლიო რეიტინგში 22-ე ჩოგანია.

Nikoloz Basilashvili's Successful Start at US Open