ერიკსენმა დაბრუნება დათქვა

დანიელი კრისტიან ერიკსენი მილანის „ინტერის“ ბაზას სტუმრობდა. ფეხბურთელს თანაგუნდელებთან ურთიერთობა მონატრებია და გაუმხილა, რომ მაქსიმალურად ეცდება მწყობრში სწრაფად დაბრუნებას.

სავარაუდოდ, ამას 4-5 თვე დასჭირდება. ასე გათვალეს დანიელმა ექიმებმა, რომელთა მეთვალყურეობითაც კრისტიანი სარეაბილიტაციო კურსს გადის. შეგახსენებთ, რომ ერიკსენმა ევროპირველობის მატჩის მსვლელობისას (ფინეთთან 0:1) გონება დაკარგა და 15 წუთის განმავლობაში ჩატარებული რეანიმაციის შემდეგღა გაახილა თვალი.

ერიკსენი ფიზიკურ და ფსიქოლოგიურ მდგომარეობას არ უჩივის, კარიერის დასრულებაზე კი სიტყვის გაგონებაც არ უნდა.

Christian Eriksen returns to Inter Milan training center (VIDEO) - Soccer - OneFootball on Sports Illustrated

ავტორის პროფილი

გიორგი ნოზაძე: მას შეეძლო, დილის 11 საათისთვის გაზეთის ორი გვერდი მზად ჰქონოდა და გადაერეკა თანამშრომლებისთვის - ნუ შეწუხდებით, სამსახურში ნუღარ მოხვალთ, საქმე გაკეთებულია. ფეისბუკის ნამდვილი ფეისი. ის გახლავთ სოციალურ ქსელში "მოამბეც" და "ვრემიაც".