პეგასი და თელავი გეგმას მიყვებიან

ხელბურთელთა საქართველოს ჩემპიონატმა ზესტაფონიდან თბილისის სპორტის სასახლეში გადმოინაცვლა. აქ აღმოსავლეთის ოთხი გუნდი „პეგასი”, თელავის „იმედი-სტუ”, „გორი” და „სპორტუნი” ეჯიბრებიან ერთმანეთს.

პირველ ტურში სენსაცია არ მომხდარა. „პეგასმა” 40:33 დაამარცხა „სპორტუნი”, ხოლო თელაველებმა გორელებს 48:34 მოუგეს.

თბილისური ტურის მთავარი მატჩი ბოლო დღეს, შაბათს გაიმართება: 16 საათზე „პეგასი” „იმედი-სტუ”-ს შეხვდება. იმავე დღეს 18 საათზე „გორი” დაუპირისპირდება „სპორტუნის”.

შეგახსენებთ, რომ 1-4 აპრილს ხელბურთელთა ჩემპიონატში გაიმართება საერთო ტური, რითაც რეგულარული ჩემპიონატი დასრულდება და გაირკვევა ფინალური ოთხეულის ვინაობა. ფინალური ოთხეული კი ნახევარფინალებისა და ფინალის ფორმატით საქართველოს ჩემპიონის ვინაობას გამოავლენს.

ავტორის პროფილი

ლუკა თალაკვაძე: ლუკა თალაკვაძე ნამდვილი სარბიელელია. ყველას შემწე, გვერდში მდგომი, ალალი და უსაყვედურო. ჟურნალისტის პროფესიის ქიციც იცის და ქიცმაცურიც.

უახლესი პოსტები

Post Views: 94