რონალდუ: უცუდესი სტუმარი

სხვაგვარად არ შეუძლია – კვირაში ერთხელ რაიმე გამორჩეულით უნდა დაგვამახსოვროს თავი. წინააღმდეგ შემთხვევაში რისი კრიშტიანუ რონალდუ იქნება?!

სერია A-ს მორიგ ტურში „იუვენტუსმა“ სტუმრად „ლაციო“ 2:1 დაამარცხა. მანამდე არაფრით გამორჩეულმა რონალდუმ 89-ე წუთზე ჟოაუ კანსელოს წინააღმდეგ უხეშობისთვის დანიშნული პენალტი გამარჯვების გოლად აქცია. 24 წლის განმავლობაში, ანუ მას შემდეგ, რაც გამარჯვებისთვის 3 ქულის მიკუთვნება დაიწყეს, პორტუგალიელი ერთადერთია, ვინც სერია A-ს ზედიზედ 8 გასვლით შეხვედრაში გაიტანა.

ჯამში პორტუგალიელს 15 გოლი მოუგროვდა და ბომბარდირთა დავაში „ატალანტას“ საპატას წამოეწია. მათზე ერთი გოლით მეტი აქვს გატანილი „სამპდორიას“ შეტევების ლიდერ ფაბიო კვალიარელას.

საინტერესოა, რომ რონალდუმ 15-დან 5 გოლი პენალტიდან გაიტანა, კვალიარელამ 16-დან 4-ჯერ აღასრულა უმაღლესი საფეხბურთო სასჯელი, საპატას კი ერთის გარდა ყველა თამაშიდან აქვს გატანილი.

ავტორის პროფილი

გიორგი ნოზაძე: მას შეეძლო, დილის 11 საათისთვის გაზეთის ორი გვერდი მზად ჰქონოდა და გადაერეკა თანამშრომლებისთვის - ნუ შეწუხდებით, სამსახურში ნუღარ მოხვალთ, საქმე გაკეთებულია. ფეისბუკის ნამდვილი ფეისი. ის გახლავთ სოციალურ ქსელში "მოამბეც" და "ვრემიაც".