მამუ უკვე მესამეა

სანდრო მამუკელაშვილის „ტორონტო რეპტორსმა“ მიჯრით მეორე მატჩი წააგო და აღმოსავლეთ კონფერენციაში მეორე ადგილი დაკარგა. კანადელები ნიუ იორკში, „ნიქსთან“ თავიდანვე სოლიდურად ჩამორჩნენ და მატჩის შებრუნება ვეღარ მოახერხეს – 94:116. მამუკელაშვილმა მოედანზე 27 წუთი გაატარა, რა დროშიც 9 ქულა, 7 მოხსნა, თითო პასი და ჩაჭრა და 2 დაფარება მიითვალა.

სანდრომ ექვსიდან სამი ორქულიანი და ოთხიდან სამი საჯარიმო ჩააგდო, სამი სამქულიანი ააცილა. ჩვენებურის პასივში მხოლოდ 1 დაკარგვა იყო, მისი მოედანზე ყოფნის პერიოდში კი, გუნდმა 17 ქულით ნაკლები ჩააგდო.

„რეპტორსს“ 14 მოგება და 7 მარცხი მოუგროვდა და აღმოსავლეთ კონფერენციაში მესამე ადგილზეა და მომდევნო მატჩი 3 დეკემბერს, „პორტლენდ ბლეიზერსთან“ უწევს.

Sandro Mamukelashvili ignites Raptors off the bench: 'He's good at … every little thing' - The Athletic