ესპანეთის ჩემპიონატის მე-13 ტურში მადრიდული დერბია – „ალფრედო დი სტეფანოზე“ „რეალი“ „ატლეტიკოს“ დაუხვდება. „თეთრების“ მთავარი მწვრთნელი ზინედინ ზიდანი მიიჩნევს, რომ ლა ლიგაში ყველა მატჩი ფინალის ტოლფასი, ხოლო მეტოქე ამ სეზონში ჩემპიონობის ფავორიტია.
„როგორც ყოველთვის, მატჩი ბევრი ასპექტისგან შედგება. ჩვენ კარგი შეხვედრა ჩავატარეთ ჩემპიონთა ლიგაში და ახლა ხვალინდელ შეხვედრაზე ვფიქრობთ, სადაც არანაკლებ საინტერესო თამაში გველის. ეს ხომ დერბია… მარტო იმისთვის გვინდა მოედანზე გასვლა, რომ გვიყვარს ასეთი თამაშები. ესპანეთის ჩემპიონატში ყველა თამაში ფინალის ტოლფასია, „ატლეტიკოსთან“ დაპირისპირება კი მათთგანაც განსხვავებული. ეს კიდევ ერთი შესაძლებლობაა იმის დასამტკიცებლად, რომ კარგი გუნდი ვართ და, შევეცდებით ისეთივე წარმატებით ვითამაშოთ, როგორც ეს „გლადბახთან“ გავაკეთეთ. „ატლეტიკო“ ლა ლიგის ფავორიტია და ამას მოედანზე ამტკიცებს. სადღეისოდ, ლიგას ეს გუნდი ლიდერობს. თუმცა, ჩვენ მეტოქე კარგად ვიცნობთ“, – ციტირებს ზიდანის სიტყვებს ესპანური მედია.
ავტორის პროფილი
- გიორგი ვაშაკიძე იტალიაში რომ დაბადებულიყო,უთუოდ კოვერჩანოს სიახლოვეს იცხოვრებდა. იტალიური ფეხბურთის და ქართული ფიალის სწორუპოვარი მოტრფიალე. ყოველთვის მოუთმენლად ელის ხელფასს, "მილანის" დაბრუნებას და ქართული ფეხბურთის აყვავებას.
უახლესი პოსტები
კატეგორიის გარეშე28/10/2025 | 12:33თბილისის აკადემია ჩემპიონია
კატეგორიის გარეშე23/09/2025 | 00:56… ის არის დემბელე!
კატეგორიის გარეშე01/09/2025 | 22:46კიდევ ერთი ქართველი უოტფორდში
კატეგორიის გარეშე16/08/2025 | 22:05კიტეიშვილის დუბლი შესვენებამდე