საქართველოს ეროვნული ნაკრებისა და თბილისის „ლოკომოტივის“ უკანახაზელი გიორგი აფციაური კარიერას რუსეთის პრემიერლიგის „ვვა-პოდმოსკოვიეში“ გააგრძელებს.
26 წლის მორაგბეს 2014-2019 წლებში ნაკრების კვართით 25 მატჩი აქვს ჩატარებული, მათ შორის 4 – 2015 წლის მსოფლიო თასზე. 2018 წლის საქართველოს ჩემპიონი, 2019 წლის მსოფლიო თასის წინ გაფართოებულ შემადგენლობაში იყო, თუმცა საბოლოო განაცხადში ვერ მოხვდა.
