ჩასაკვნეტი ამბავი: საქართველომ D დახურა

საამსეზონო მისია შესრულებულია – საქართველოს ნაკრებმა ერთი ამოსუნთქვით ჩაათამაშა ერთა ლიგის ჯგუფური ეტაპი და საგრძნობლად დაიახლოვა სრულიად ეროვნული მიზანი – მთავარ ევროფორუმზე მოხვედრა.

ევროპის ჩემპიონატი ასე ახლოს არასდროს ყოფილა ქართველთათვის, მართლაც რომ ორ ნაბიჯშია, ღონივრად გადასადგმელ ორ ნაბიჯში… ყველაფერი დასრულდა ისე როგორც დაიწყო -ჩაკვეტაძის გოლით… სწორედ ქართული ფეხბურთის ახალმა თვალისმომჭრელმა ბრილიანტმა შეაგდო საერთალიგო ისტორიული პირველი გოლი და მანვე დახურა ქართველთა ჯგუფური მონაგარი.

ჩაკვეტაძე უდავოდ ქარიზმატული ლიდერია, მიუხედავად ასაკისა და გამოუცდელობისა. რასაც ის მოედანზე აკეთებს, სანახაობაა, სწორედ ის, „გენეტიკურად საფეხბურთო” სანახაობა, რასაც თანამედროვე სწორხაზოვანი ქართული ფეხბურთი აქამდე მოკლებული იყო.

ნაკრების სასახელოდ კი უნდა ითქვას, რომ იყო კონკრეტული მიზანი და გეგმა, რომელიც ზედმიწევნით შესრულდა. ვაისის კრებულს დიდი მოტივაცია ჰქონდა საამმატჩოდ, რაკიღა გამარჯვების შემთხვევაში, კენჭისყრისას მეოთხე კალათში მოხვდებოდა და კიდევ უფროი მნიშვნელოვანი, ამ გამარჯვებამ საქართველო D ზონის ჯგუფური ეტაპის საუკეთესო ნაკრებად აქცია, რაც იმას ნიშნავს რომ საპლეიოფო ერთთამაშიან რაუნდს საქართველო უმასპინძლებს, ეს კი შესაძლოა გადამწყვეტი ფაქტორი აღმოჩნდეს საბოლოო წარმატებისთვის.

ავტორის პროფილი

პაატა კვანტალიანი: პაატა კვანტალიანი „სარბიელით“, მეგობრობით, ერთგულებით და „ლივერპულით“ გაჟღენთილიი პროფესიონალია. YNWA (შენ არასდროს ივლი მარტო) - ეს პაატას დევიზია!