ერთი, ორი – ჩოგბურთელებმა საფრანგეთში გაითვალეს

„როლან გაროსზე“ ყველაფერი დალაგდა – ორივე ერთეულთა ფინალში ფავორიტები ითამაშებენ. კაცებში ამის უფლება იანიკ სინერმა და კარლოს ალკარასმა მიიღეს.

სინერმა მძიმე ბრძოლაში ნოვაკ ჯოკოვიჩი დაამარცხა – 6:4; 7:5; 7:6. ყველა სეტში მაგარი ბრძოლა იყო.

Coco Gauff vs Aryna Sabalenka, Madrid Open 2025 final: Head-to-head, match schedule, and where to watch live action პირველში საქმე ერთმა ბრეიკმა გადაწყვიტა, მეორეში ჯოკოვიჩმაც მოახერხა იტალიელისთვის ჩაწოდების წართმევა, მაგრამ სინერმა ეს ორჯერ მოახერხა. მესამეში საკუთარი ჩაწოდება არც ერთს წაუგია, მაგრამ ტაი ბრეიკზე ისევ ესპანელმა იმარჯვა.

ალკარასი კი თავიდან აგებდა – პირველი სეტი 4:6 დათმო, მეორე 7:6 მოიგო. როგორც ჩანს, ამის შემდეგ იტალიელ ლორენცო მუსეტის ჯამრთელობამ უმტყუნა, რადგან შემდეგი სეტი 0:6 წააგო, მეოთხეშიც 0:2 ჩამორჩა და თამაში შეწყვიტა.

ქალთა შორის აქამდე სენსაციების შემოქმედი, 361-ე ჩოგანი ლოა ბუასონი რეიტინგით მეორე კოკო გაუფთან ვერაფერს გახდა. ფრანგი ჩოგბურთელის ზღაპარი საათსა და 12 წუთში დასრულდა – 1:6; 2:6.

აი, პირველ ჩოგან ბელარუს არინა საბალენკას კი ბრძოლის გადატანა მოუხდა პოლონელ იგა შვიონტეკთან. პირველი სეტი საბალენკამ ტაი ბრეიკზე წაიღო – 7:6. მეორეში პოლონელმა იმარჯვა – 6:4. თითქოს მესამეც დაძაბული უნდა ყოფილიყო, მაგრამ ბელარუსმა პირწმინდად დაჩაგრა მეტო (6:0) და „როლან გაროსის“ ფინალში პირველად გავიდა.

ავტორის პროფილი

ირაკლი ნინიძე: ლეგენდის თანახმად, ამხანაგი ირკალი ნინიძე „სარბიელის“ ავტორია გასული საუკუნიდან, თუმცა ზუსტად რომელი წლიდანაა გადაჯაჭვული მისი ბედი „სარბიელთან“, ლეგენდა დუმს. რატომ დუმს ? იმიტომ, რომ ამხანაგ ნინიძეს არ უყვარს მოლაპარაკე ლეგენდები. მას უყვარს სპორტი, წერა და სპორტზე მარჯვედ წერა...