ლეო მესის ამბავი ასეა: მაღაზიაში ჩავა — ტელევიზორში ან ინტერნეტშია; ბავშვს დაბადების დღის ცენტრში წაიყვანს — ისევ იქაა; ვიღაცას მიესალმება — წერენ; ვიღაცას ვერ იცნობს — ამასაც წერენ…
აი, გუშინ არგენტინელს მოსკოვში რა მოუვიდა: სასტუმროში მასთან ახალგაზრდა მივიდა, სელფი გადავიღოთო. მესიმაც გადაიღო, თავის გზაზე წავიდა და… დრო რომ გავიდა და სოციალურ ქსელებში შეიხედა, აღმოაჩინა რომ ამ ბიჭს იცნობს. ეს ხომ მისი თანამემამულე სებასტიან დრიუსია, პეტერბურგის “ზენიტის” თავდამსხმელი.
“ძალიან ცუდად გამოვიდა, კაცს პირადად ვიცნობ და ვერ მივხვდი რომ ის იყო. ფოტოს გადაღება რომ მთხოვა, ვიფიქრე ერთ-ერთი გულშემატკივართაგანია, მეთქი. მერე მოვუბოდიშე”, — თქვა შემცბარმა მესიმ.
როგორც მოგახსენეთ, არგენტინის ნაკრების კაპიტანი შეცდომას მაშინ მიხვდა, როდესაც დრიუსის ინსტაგრამი ნახა და… “ზენიტის” ფორვარდს ბოდიში მეილით გაუგზავნა.
“ალბისელესტე” ხვალ, 11 ნოემბერს, ამხანაგურ შეხვედრაში რუსეთის ნაკრებს ხვდება.
ავტორის პროფილი
- გიორგი ვაშაკიძე იტალიაში რომ დაბადებულიყო,უთუოდ კოვერჩანოს სიახლოვეს იცხოვრებდა. იტალიური ფეხბურთის და ქართული ფიალის სწორუპოვარი მოტრფიალე. ყოველთვის მოუთმენლად ელის ხელფასს, "მილანის" დაბრუნებას და ქართული ფეხბურთის აყვავებას.
უახლესი პოსტები
კატეგორიის გარეშე28/10/2025 | 12:33თბილისის აკადემია ჩემპიონია
კატეგორიის გარეშე23/09/2025 | 00:56… ის არის დემბელე!
კატეგორიის გარეშე01/09/2025 | 22:46კიდევ ერთი ქართველი უოტფორდში
კატეგორიის გარეშე16/08/2025 | 22:05კიტეიშვილის დუბლი შესვენებამდე