„ლივერპულისა” და „ნაპოლის” შეხვედრაში ხვიჩა კვარაცხელიამ გოლი ვერ გაიტანა, მაგრამ ძალიან კარგად ითამაშა. ინგლისურმა ჟურნალმა FourFourTwo-მ კი ამასობაში გამოაქვეყნა მისი ვერსიით მსოფლიოს ათი საუკეთესო მარცხენა თავდამსხმელის სია, რომელშიც 2001 წელს დაბადებული ქართველი, რომელმაც უმაღლეს დონეზე ჯერ მხოლოდ 17 თამაში ჩაატარა, მე-6 პოზიციაზეა. იტალიურმა პრესამ ყურადღება გაამახვილა, რომ კვარა „მილანის” ბრაზილიელ მარცხენაფლანგელ ლეაოზე მაღლა აღმოჩნდა. ათეული ასეთია:
- ნეიმარი (პსჟ)
- ვინისიუს ჟუნიორი (რეალი)
- სადიო მანე (ბაიერნი)
- ფილ ფოდენი (მანჩესტერ სიტი)
- გაბრიელ მარტინელი (არსენალი)
- ხვიჩა კვარაცხელია (ნაპოლი)
- რაფაელ ლეაო (მილანი)
- ლუის დიასი (ლივერპული)
- ლეროი სანე (ბაიერნი)
- რაჰიმ სტერლინგი (ჩელსი)
