ახალი გუნდი – სარბიელი

ევროპის 2024 წლის ჩემპიონატის შესარჩევი ეტაპი საქართველოს ხელბურთელთა ნაკრებმა მარცხით დაიწყო.

საქართველოსთან ერთად ჯგუფში უნგრეთის, ლიეტუვისა და მასპინძელი, შვეიცარიის ნაკრებებიც მოხვდნენ. ჯგუფიდან ორი საუკეთესო შემდეგ ეტაპზე გადის. მთავარ ფავორიტებად მადიარები მიიჩნევიან, მეორე ადგილისთვის პრეტენზიას კი, სწორედ შვეიცარია აცხადებს.

ჩვენი გუნდი პირველ მატჩში მასპინძლებს გაეჯიბრა და დაძაბულ ბრძოლაში 23:24 დამარცხდა. ამ მარცხმა მომდენო ეტაპზე გასვლის შანსები შეგვიმცირა. ახლა საქართველოს ნაკრებს ახალი მწვრთნელი ჰყავს – ტიტე კალანდაძე, რომელმაც რუმინელი ფლორიან სანდუ ჩაანაცვლა.

კარიერა დაასრულეს – რევაზ ჭანტურიამ, რატი მსხვილიძემ და შოთა თევზაძემ.

ასე რომ, ჩვენს გუნდში გარდამავალი პროცესია. მწვრთნელიც ქართველი. ვნახოთ რა გამოვა… მეორე ტურში ჩვენი გუნდი უნგრეთის ძალიან ძლიერ გუნდს ეთამაშება.

ავტორის პროფილი

ირაკლი ნინიძე: ლეგენდის თანახმად, ამხანაგი ირკალი ნინიძე „სარბიელის“ ავტორია გასული საუკუნიდან, თუმცა ზუსტად რომელი წლიდანაა გადაჯაჭვული მისი ბედი „სარბიელთან“, ლეგენდა დუმს. რატომ დუმს ? იმიტომ, რომ ამხანაგ ნინიძეს არ უყვარს მოლაპარაკე ლეგენდები. მას უყვარს სპორტი, წერა და სპორტზე მარჯვედ წერა...