VAR-ის მსაჯები დასაჯეს

ესპანეთის ფეხბურთის ფედერაციამ და აპარატურის მსაჯთა ტექნიკურმა კომიტეტმა პირველი გაბედული გადაწყვეტილება მიიღეს. მიზეზი: ინციდენტი „ვალენსიასა” და „რეალის” შეხვედრაში რომელიც ბრაზილიელის გაძევებით დასრულდა. ნაჩო იგლესიას ვილიანუევას დაუყოვნებლივ შეუჩერდა VAR-ის მსაჯობის უფლება, მისი დამხმარე ხუთეული კი აპარატურას შემდეგი სეზონის განმავლობაში ვერ მიეკარება.

მსაჯთა დასჯის მიზეზი კონკრეტულად ის გახლავთ, რომ მატჩის მთავარმა არბიტრმა რიკარდო დე ბურგოს ბენგოეტჩეამ ვინისიუსი VAR-ის მიერ მიწოდებული კადრის საფუძველზე გააძევა. ამ კადრში მადრიდელი უგო დუროს სახეში ხელს არტყამს, მაგრამ გაწევ-გამოწევის დასაწყისის ჩანაწერი არ არსებობს. VAR-მა ის ვერ მოიძია. შეგახსენებთ, რომ ეს სწორედ ის ეპიზოდია, რომელშიც „ვალენსიას” ქართველი მეკარე გიორგი მამარდაშვილიც ჩაერია.

Vinicius Junior of Real Madrid discusses with Giorgi Mamardashvili of Valencia CF during the LaLiga Santander match between Valencia CF and Real...