პლეი ოფი იერომ გაარკვია

ციურიხში, ფიფას შტაბბინაში მსოფლიოს 2018 წლის ჩემპიონატის შესარჩევი პლეი ოფების წილისყრა გაიმართა.ევროპულ ზონაში წილისყრის შედეგად გუნდები ლეგენდარული ესპანელი ფეხბურთელის ფერნანდო იეროს ხელით ასე დაწყვილდნენ:

ჩრდ. ირლანდია – შვეიცარია

ხორვატია – საბერძნეთი

დანია – ირლანდია

შვედეთი – იტალია

პირველი მატჩები 9-11 ნოემბერს გაიმართება, საპასუხოები კი 12-14 ნოემბერს.

ამასთანავე, ზემოხსენენებულ რიცხვებში კიდევ ორი საპლეიოფო მატჩია: პერუ – ახალი ზელანდია და ავსტრალია – ჰონდურასი.

აფრიკის ზონიდან კიდევ 3 გუნდის ვინაობაა გასარკვევი. იქ შესარჩევი ეტაპის ბოლო ტურია დარჩენილი.

შეგახსენებთ, სადღეისოდ მუნდიალის მონაწილე 32 გუნდიდან 23-ს რუსეთის საგზური უკვე განაღდებული აქვს: რუსეთი , გერმანია, ესპანეთი, ინგლისი, საფრანგეთი, პორტუგალია, ბელგია, პოლონეთი, სერბეთი, ისლანდია (ევროპიდან), ბრაზილია, არგენტინა, ურუგვაი, კოლუმბია (სამხრეთ ამერიკიდან), ირანი, სამხრეთ კორეა, იაპონია, საუდის არაბეთი (აზიიდან), მექსიკა, კოსტა რიკა, პანამა (კონკაკაფიდან), ნიგერია, ეგვიპტე (აფრიკიდან).

ავტორის პროფილი

გიორგი ვაშაკიძე: გიორგი ვაშაკიძე იტალიაში რომ დაბადებულიყო,უთუოდ კოვერჩანოს სიახლოვეს იცხოვრებდა. იტალიური ფეხბურთის და ქართული ფიალის სწორუპოვარი მოტრფიალე. ყოველთვის მოუთმენლად ელის ხელფასს, "მილანის" დაბრუნებას და ქართული ფეხბურთის აყვავებას.

უახლესი პოსტები

Post Views: 1