რატომ კლავთ?! – სარბიელი

გული მწყდება ხოლმე. ეგ არის და ეგ, თორემ ყველა თავადაა საკუთარი ბედის პატრონი. ნუ, თუ მთლად თავად არა, უნიჭო მენეჯერი მამა ან ბიძა, ან ძალიან ნიჭიერი აგენტი, რომელიც სერიოზულ ფულს აკეთებს, მაგრამ მისი კლიენტები კალინინგრადს, ვერ გასცდნენ.

გვარები ჩამოვთვალოთ, რამდენი სუპერტალანტი დაღუპეს დღევანდელ კვერცხზე დახარბებულმა ოჯახის წევრებმა?!

რით ვერ გაძეხით, ხალხო?!

მიეცით ამ ბიჭებს დიდი ფეხბურთის თამაშის და მერე მილიონების კეთების უფლება და საშუალება. მიეცით საქართველოს ნაკრებს სუპერბიჭების ყოლის უფლება. მათ კარიერას ერთ BMW-ში როგორ ახურდავებთ?!

ვიცი, რომ ემოციური ვარ. ვიცი, რომ მეტისმეტად ვამარტივებ თემას, მაგრამ ბოლო 10 წლის განმავლობაში სულ მცირე 10 სუპერტალანტი რომ ესენგეს ფარგლებში ჩაკალით, ვერ გპატიობთ და რა ვქნა?!

სხვათა შორის, კარიერის ბოლოს გიორგი ქინქლაძემ ყაზანის „რუბინში“ ითამაშა, ოღონდ კარიერის ბოლოს…

ავტორის პროფილი

გიორგი ნოზაძე: მას შეეძლო, დილის 11 საათისთვის გაზეთის ორი გვერდი მზად ჰქონოდა და გადაერეკა თანამშრომლებისთვის - ნუ შეწუხდებით, სამსახურში ნუღარ მოხვალთ, საქმე გაკეთებულია. ფეისბუკის ნამდვილი ფეისი. ის გახლავთ სოციალურ ქსელში "მოამბეც" და "ვრემიაც".