ერიკ ტენ ჰაგმა „მანჩესტერ იუნაიტედში” დიდი აურზაური გამოიწვია. ჰოლანდიელი მწვრთნელი „სიტისთან” დერბიში 3:6 წაგებამ დაზაფრა და ორშაბათს ფეხბურთელები შეხვედრის გასაანალიზებლად დაიბარა, იქ კი ცხარე კამათი ატყდა, რომლის დროსაც ერთმა მეორეს მიაძახა შენს f***ing თამაშს მიხედეო და ასე შემდეგ.
კლუბიდან გამოსული ხმების თანახმად ყველაზე აგრესიულად 24 წლის არგენტინელი ახალწვეული ლისანდრო მარტინესი და 25 სკოტ მაკტომინეი იქცეოდნენ.
როგორც ირკვევა, მწვრთნელმა შეგირდებს სთხოვა ერთმანეთისთვის შეცდომები მიეთითებინათ. ზოგმა თანაგუნდელს უსაყვედურა არ მაზღვევდიო, რაზეც უსიამოვნო პასუხი მიიღო და ვითარება დაიძაბა. ამ დაძაბულობის პასუხად ტენ ჰაგმა ფეხბურთელებს უთხრა, კარგი იქნებოდა ასეთ საბრძოლო სულისკვეთებას მოედანზე მეტოქეების წინააღმდეგ რომ ამჟღავნებდეთო.
ამავე თათბირზე კაპიტანი ჰარი მაგუაირი ერთი კვირით დასასვენებლად პორტუგალიაში გაუშვეს. ნიდერლანდელი მწვრთნელი მიიჩნევს, რომ მაგუაირს გონების გაწმენდა სჭირდება.
ავტორის პროფილი
- "სარბიელის" ძველი ავტორია. იშვიათად ილია ბაბუნაშვილის ფსევდონიმითაც წერს. ხანდახან ცდილობს იხუმროს, მაგრამ უწყინარია.
უახლესი პოსტები
მთავარი ამბავი30/06/2026 | 09:45ორი გრანდი პენალტებით გავარდა
აქეთურ-იქითური29/06/2026 | 09:34კაცი ძეგლი კონგოდან
აქეთურ-იქითური29/06/2026 | 08:51ლინეკერი: საფრანგეთი გერმანიას იოლად მოუგებს
აქეთურ-იქითური29/06/2026 | 08:07ავსტრია vs ალჟირი ჩაწყობილი იყო?