მსოფლიოს ძიუდოს უკრაინელი ვარსკვლავი, ევროპის სამგზის და მსოფლიოს ორგზის ჩემპიონი, ოლიმპიადის პრიზიორი დარია ბილოდიდი ფეხბურთში წავიდა.
ის უკრაინულ საფეხბურთო კლუბს „მეტალისტ 1925“-ს შეუერთდა. დარია აქამდე ამ კლუბის ელჩი იყო, ახლა კი კლუბის რიგებში 77-ნომრიანი მაისურით ითამაშებს.
დარიას კლუბთან დადებული ოფიციალური კონტრაქტის შესახებ კლუბის მიერ სოციალურ ქსელში გავრცელებული ინფორმაციით შევიტყეთ. კლუბის მესვეურები იმედოვნებენ, რომ დარიას ფეხბურთში ტრანსფერი ქალთა ფეხბურთის პოპულარიზაციაში მნიშვნელოვან წვლილს შეიტანს.
