სამივე სინჯის ოლიმპიური მედლის მფლობელი, ლეგენდარული ტყვიის მსროლელი ნინო სალუქვაძე ოლიმპიურ თამაშებზე მეათედ იასპარეზებს.
ქართველმა სპორტსმენმა კანადელი ცხენოსნის, იან მილერის რეკორდი გაიმეორა. ჩვენიანმა ქალბატონმა მესამე ევროპულ თამაშებზე 25 მეტრზე ტყვიის სროლაში მეოთხე ადგილი დაიკავა, რამაც ოლიმპიური თამაშების ლიცენზია მოუტანა.
ნინო სალუქვაძეს ოლიმპიადაზე დებიუტი ჯერ კიდევ 1988 წელს სეულში ჰქონდა. სწორედ იქ აიღო პირველი მედლები – 25-მეტრიან დისტანციაზე ოქროს მედალი მოიპოვა, ხოლო 10 მეტრზე სროლაში – ვერცხლი. 2008 წელს კი პეკინში გამართულ ოლიმპიურ თამაშებზე საქართველოს 10 მეტრზე დისტანციაზე ბრინჯაოს მედალი აიღო.
