ბასილაშვილი მეოთხედფინალში ქამბექით გავიდა

მეცის საერთაშორისო ტურნირზე ნიკოლოზ ბასილაშვილმა მეორე გამარჯვება მოიპოვა. ჩვენებურმა დავიდოვიჩ ფოკინა 0:6; 6:4; 7:6 დაამარცხა.

პირველი სეტი ნიკამ პირწმინდად წააგო და ერთი გეიმის აღებაც ვერ მოახერხა. ამის შემხდვარე, ვერავინ იფიქრებდა, თუ ბასილაშვილი მატჩის შემოტრიალებას მოახერხებდა.

მეორე სეტში ნიკოლოზმა პირველივე გეიმში ბრეიკი გაახერხა და შემდეგ სეტი მშვიდად მიიყვანა გამარჯვებამდე.

განსაკუთრებით საინტერესო გამოდგა ბოლო, გადანწყვეტი სეტი. ბასილაშვილი 1:4 ჩამორჩა, მაგრამ მაინც მოახერხა ანგარიშის გათანაბრება. 4:5 და საკუთარი ჩაწოდება. ბასილაშვილმა ოთხი მატჩ პოინტი გადაარჩინა და მოახერხა თამაში ტაი ბრეიკში გადაეყვანა. იქ კი, ჩვენებური ბევრად უკეთესი იყო.

ბასილაშვილი მეოთხედფინალშია, სადაც მისი მეტოქე ტურნირზე მესამე ნომრად განეთესილი გაელ მონფილსი იქნება, რომელმაც მერვედფინალში ფილიპ კოლშრაიბერი 7:6; 6:4 დაამარცხა.