„ჰიუსტონ როკეტსმა“ და „ვაშინგტონ ვიზარდსმა“ დიდ გარიგება გაჩარხეს. „რაკეტებმა“ 32 წლის გამთამაშებელ რასელ ვესტბრუკში იგივე ამპლუის 30 წლის კალათბურთელი ჯონ ვოლი და 2023 წლის NBA-ს დრაფტის პირველი პიკი მიიღეს.
აღსანიშნავია, რომ ვოლი მოედანზე 2018 წლის 26 დეკემბერს არ გასულა. მისი ხელფასი კი, სამი წლის მანძილზე 132,9 მილიონი დოლარი იქნება. შედეგად, წლიური ჯამაგირით ვოლი ლიგაში მეოთხე ადგილზეა. მის წინ მხოლოდ იგივე ვესტბრუკი, სტეფ კარი და კრის პოლი დგანან.
ამ გაცვლის შემდეგ კლუბმა გადაწყვიტა ჯეიმს ჰარდენი შეინარჩუნოს, რომელმაც ასევე მოითხოვა გუნდიდან გაშვება. „წვერას“ „ბრუკლინ ნეთსში“ სურს გადასვლა და კლუბს გაცვლას სთხოვს. ხელმძღვანელობა ვერ ელევა.
სამაგიეროდ, ტეხასელებმა თავისუფალი აგენტის სტატუსით დემარკუს კაზინსი მიიღეს. „ყველა ვარსკვლავის“ მატჩის ოთხგზის მონაწილე ხანგრძლივი ტრავმების შემდეგ დიდი ხანი სჭირდება ლიგასთან ადაპტაციისთვის.
