ნაბიჯი ძირითად ბადემდე

ნიკოლოზ ბასილაშვილმა საფრანგეთის ღია პირველობის ძირთად ბადეში მოსახვედრად მორიგი ნაბიჯი გადადგა. ქართველმა ჩოგბურთელმა საკვალიფიკაციო ეტაპის მეორე წრეში მაროკოელი ვალენტინ ვაჩერო ორ სეტში დაამარცხა – 7:6; 6:3.

პირველი სეტი არეული გამოდგა: თავიდან ბრეიკით მაროკოელი დაწინაურდა. შემდეგ ბასილაშვილმა იძალა და ახლა თავად გავიდა წინ, თუმც ვაჩერომ იქვე გაათანაბრა. ჩოგბურთელებმა ბრეიკები ერთხელაც გაცვალეს (4:4) და ბოლოს საქმე ტაი ბრეიკამდე მივიდა, სადაც ჩვენებურმა მარტივად მოიგო – 7:2.

მეორე სეტის მეოთხე გეიმი ბასილაშვილმა ბრეიკი გაახერხა და მოგებასთან ახლოს იყო, მაგრამ მეშვიდე გეიმში საკუთარი ჩაწოდება წააგო, თუმც მერვეში დაიბრუნა და საქმე მშვიდად მიიყვანა მოგებამდე.

შეგახსენებთ, ბასილაშვილმა პირველ წრეში ნიდერლანდელ გის ბროუერს 6:3; 6:2 აჯობა. კვალიფიკაციის მესამე რაუნდში ბასილაშვილის მეტოქე მასპინძელი ჟოფრეი ბლანკანო იქნება.

Nikoloz Basilashvili | French Open 2015 Roland Garros. Quali… | Flickr

ავტორის პროფილი

ირაკლი ნინიძე: ლეგენდის თანახმად, ამხანაგი ირკალი ნინიძე „სარბიელის“ ავტორია გასული საუკუნიდან, თუმცა ზუსტად რომელი წლიდანაა გადაჯაჭვული მისი ბედი „სარბიელთან“, ლეგენდა დუმს. რატომ დუმს ? იმიტომ, რომ ამხანაგ ნინიძეს არ უყვარს მოლაპარაკე ლეგენდები. მას უყვარს სპორტი, წერა და სპორტზე მარჯვედ წერა...