ხვიჩა კვარაცხელიას ეკვადორელი თანაგუნდელი ვილიან პაჩო ნაკრებშია გამოძახებული, მსოფლიოს ჩემპიონატის შესარჩევში შინ ვენესუელას და სტუმრად ჩილეს ენდა ეთამაშოს, პარიზის დასავლეთ ნაწილში კი ამასობაში მისი სახლის გატეხვა სცადეს. ვერანდაზე ფანჯარა ჩამტვრეულია, ქურდი კი უკვალოდ გაქრა. პოლიცია პაჩოს შინამოსამსახურემ გამოიძახა.
პსჟ-ს ფეხბურთელთაგან ცენტრალური მცველი პირველი არ არის ვისი საცხოვრებლებიც პრიზელ ქურდებს მოეწონათ. მათ სხვადასხვა წლებში სერხიო რიკოს, ანხელ დი მარიას და ერიკ მაქსიმ შუპო-მოტენგის სახლებიც ამოიღეს მიზანში. ტიაგო სილვას კი რამდენიმე ასეული ათასი ევროს ღირებულების ნივთები მოპარეს.
„პარიზიენი’’ ასეთ შემთხვევასაც გვახსენებს: 2021 წლის 14 მარტს ბოროტმოქმედებმა ერთდროულად გატეხეს დი მარიასა და მარკინიოსის სახლები. ბრაზილიელის მამა ძალადობის მსხვერპლიც კი გახდა. დამნაშავეები დაიჭირეს და 7 და 5 წელი მიუსაჯეს, რომელთაგან სამი პირობითი სასჯელი და გამოსაცდელი ვადაა.
უარესი შეემთხვა ჯანლუიჯი დონარუმას, რომელიც ქალაქის VIII კვარტალში თავის თანამგზავრ ქალთან ერთად დააბეს და ნახევარი მილიონი ევროს ნივთები წაართვეს.
ალექსანდრ ლეტელიეს, მის მეგობარ ქალსა და მათ ორ შვილს კი იარაღით ემუქრებოდნენ.
