კონფერენციის ლიგაში გიორგი გოჩოლეიშვილის „კოპენჰაგენმა’’ ბუდუ ზივზივაძის „ჰაიდენჰაიმთან’’ პირველი თამაშის ჩამორჩენა (1:2) გამოასწორა, ორმატჩიანი დაპირისპირება დამატებით დროში გადაიყვანა და საბოლოოდ 3:1 (ორი შეხვედრის ჯამში 4:3) მოიგო. „ჰაიდენჰაიმი’’ შავ დღეშია. შინ ჩატარებულ ბოლო 10 თამაშში 8 მარცხი იწვნია. „კოპენჰაგენი’’ კი მერვედფინალში გავიდა, სადაც „ვიტორია გიმარაეშს’’ ან „ჩელსის’’ შეხვდება.
Flashscore-მა ქართველი ფეხბურთელების თამაში ერთნაირად 6.9 ქულით შეაფასა. Sofascore-მა ზივზივაძეს 6.7 დაუწერა, ხოლო გოჩოლეიშვილს 7.4.
