„ნაპოლიმ’’ მიმდინარე სეზონში მეხუთედ მოიგო 1:0, ამჯერად სტუმრად „ტორინოსთან’’. საინტერესო ფაქტია, რომ მანამდე სწორედ ამ ორ გუნდს ჰქონდა ოთხჯერ მოგებული ასეთი ანგარიშით. ამრიგად „ნაპოლი’’ 14 თამაშის შემდეგ 32 ქულით პირველ ადგილზეა. ქვემოთ გთავაზობთ შეაფსებებს, რომელიც იტალიურ პრესაში ხვიჩა კვარაცხელიამ მიიღო.
calciomercato — 6.5 მას მართლა სურდა გადამწყვეტი როლის თამაში და თავს მთელი მატჩის განმავლობაში ამ ამოცანას უსახავდა. პირველ ტაიმში ორ მეტოქეს მიაღებინა ყვითელი ბარათი და მაკტომინეის ის დასარტყმელი პოზიცია შეუქმნა რომლის წყალობითაც ანგარიში გახდა 1:0.
iamnaples — 6.5 მან ბევრი რამ გააკეთა: საგოლე პასი მიაწოდა მაკტომინეის, ყვითელი ბარათები აჰკიდა პედერსენს და ვალუკიევიჩს, პირველ ტაიმში ხელსაყრელი მომენტით ვერ ისარგებლა. ის თამაშს აჩქარებდა. როდესაც ცეცხლს ანთებდა, სულ რაღაც იქმნებოდა.
Ilnapolista ― 7.0 კვარაცხელია განაგრძობს ფაქტობრივად უკვე გატანილი გოლების ვერგატანას, მაგრამ ამჯერად მისმა მოწადინებამ „აძურის’’ შეტევაზე გადამწყვეტი როლი ითამაშა. ყველაფერს რომ თავი დავანებოთ შეხვედრის ერთადერთი გოლი რომელიც მაკტომინეიმ შეაგდო „გრანატას’’ საჯარიმოში მის შეჭრას მოჰყვა.
calcionapoli1926 — 6.5 პირველ ტაიმში ის მოედანზე გადამწყვეტი სიტყვის სათქმელად შევიდა. რამდენჯერმე მნიშვნელოვანი მოქმედება წამოიწყო. ერთ-ერთი მათგანი იყო ის ეპიზოდი, როდესაც მაკტომინეის გოლის დროს მან ბურთი მეტოქის მცველებისთვის უჩინარი გახადა, თანაგუნდელებისთვის კი ხილული. მეორე ტაიმის რამდენიმე ეპიზოდში კვარაცხელიამ შესაძლოა ზედმეტი სიჯიუტე გამოამჟღავნა, მაგრამ თანაგუნდელებისთვის მსხვერპლის გაღებაში დაღვინებული ჩანდა. კონტემ ის მაშინ შეცვალა, როდესაც აღარ ბრწყინავდა.
Tuttomercatoweb ― 6.5 მარჯვნივ, მარცხნივ და საგოლე პასი: მაკტომინეის გოლის მთელი სიდიადე მისია. ეს იყო კვარაცხელიას მორიგი საგოლე პასი, მესამე მიმდინარე სეზონში. 14 ტურში 8 საგოლე მოქმედებაში მიიღო მონაწილეობა. შესაძლოა წინა ორ სეზონთან შედარებით ნაკლებად ბრწყინავს, მაგრამ „ნაპოლის’’ გამარჯვებებში მუდამ წვლილი შეაქვს.
eurosport — 6.5 პირველ ტაიმში დიდებული იყო და არა მარტო იმიტომ, რომ მაკტომინეის საგოლე პასი მიაწოდა. მეორე ტაიმში მისი თამაში ბუნდოვანი გახდა, ბურთს ნაკლებად იღებდა და ჯიუტობდა.
napolipiu — 7.5 (ტექსტის გარეშე)
calcionapoli24 — 6.5 შედის საჯარიმოში და ოლივერას უთავისუფლებს სივრცეს. მე-18 წუთზე კვლავ საჯარიმოში იღებს ბურთს, მაგრამ მის დარტყმას სიზუსტე აკლია. ცოტა ხნის შემდეგ მის თავურს ვანია იგერიებს. ის კარგად მუშაობს ჯარიმებზე და „ტორინოს’’ მარჯვენაფლანგელებს მსაჯს ყვითელი ბარათით ასჯევინებს. ლუკაკუსთუან გაცილებით ახლოს მოქმედებს. წუთით არ გაჩერებულა.
napolimagazine — 7.5 სლალომი ფრთიდან და საგოლე გადაცემა მაკტომინეის. მთელს ფლანგზე წინ და უკან დარბოდა.
Flashscore-მა კვარაცხელიას 8.1 დაუწერა, ხოლო whoscored-მა 7.5
