ქუთაისი ბასკეთში დამარცხდა

En imágenes: El Bilbao Basket vence al Kutaisi (91-63) ფიბა ევროპის თასის მეხუთე ტურის მატჩში „ქუთაისი“ ესპანეთში, „ბილბაოს“ შეხვდა და 63:91 დათმო.

საქართველოს მოქმედი ჩემპიონი, ვიდრე ძალები გასწვდა, მეტოქეს ტოლ-სწორად ეთამაშებოდა, მაგრამ ასეთი მხოლოდ პირველი პერიოდი გამოდგა. ქუთაისელებმა მოიგეს.

მისასალმებელია, რომ ქართულ კლუბში ახალგაზრდა მოთამაშეები გამოირჩეოდნენ – გიორგი სულაბერიძისა და ბაქარ ბერეკაშვილის მონდომებით ქუთაისელებმა პირველი პერიოდის ბოლოს მოახერხეს ბილბაოელთა ჩამოტოვება და მცირე შესვენებაზე ორქულიანი ლიდერობით გავიდნენ – 18:16.

მეორე ათწუთეულში ესპანურმა გუნდმა დაწინაურება მოახერხა და დიდი შესვენებისთვის ბილბაო 10 ქულით გალიდერდა – 38:28. მეორე ტაიმში თამაში მასპინძელთა კარნახით წარიმართა. ქუთაისელებმა თამაშის გარდატეხა ვერ მოახერხეს და კოტე ტუღუშის გაწვრთნილმა გუნდმა შეხვედრა 63:91 დათმო.

ამ ჯგუფში სლოვაკურმა „პრევიძამ“ ბულგარულ „ბალკანს“ უმასპინძლა და 83:59 დაამარცხა. შედეგად, სატურნირო ცხრილს ხუთივე მოგებით „ბილბაო“ ლიდერობს; „პრევიძას“ ოთხი მოგება აქვს; „ქუთაისი“ ერთი მოგებით მესამეა; მოუგებელი „ბალკანი“ – მეოთხე. ბოლო ტურში „ბილბაო“ „პრევიძას“ დაუხვდება, ხოლო „ქუთაისი“ „ბალკანს“ უმასპინძლებს.

ავტორის პროფილი

ირაკლი ნინიძე: ლეგენდის თანახმად, ამხანაგი ირკალი ნინიძე „სარბიელის“ ავტორია გასული საუკუნიდან, თუმცა ზუსტად რომელი წლიდანაა გადაჯაჭვული მისი ბედი „სარბიელთან“, ლეგენდა დუმს. რატომ დუმს ? იმიტომ, რომ ამხანაგ ნინიძეს არ უყვარს მოლაპარაკე ლეგენდები. მას უყვარს სპორტი, წერა და სპორტზე მარჯვედ წერა...