საქართველოს ხელბურთელთა ნაკრებმა ევროპის ჩემპიონატის შესარჩევი ეტაპი მარცხით დაიწყო. ტიტე კალანდაძის გუნდი საბერძნეთს ესტუმრა და დაძაბულ ბრძოლაში, 26:27 წააგო. არადა, ახლოს ვიყავით გამარჯვებასთანაც, ქულის წამოღებასთანაც, მაგრამ ბერძნებმა ოთხი წამით ადრე გაგვიტანეს და მატჩი სათავისოდ დაასრულეს.
პირველ ტაიმში საქართველო უკეთესი იყო. იყო მომენტი როდესაც ოთხ ქულას ვიგებდით და ბურთსაც ვაკონტროლებდით, ტაიმის ბოლო ორ წუთიც ასეთი იყო, მაგრამ უცებ შეცდომების კასკადი და შესვენებამდე უპირატესობა ერთ ბურთამდე დავიდა – 13:12.
პირველი ტაიმის ბოლო კოშმარული წუთები შესვენების შემდეგაც გაგრძელდა და საბერძნეთის ნაკრები მალე სულაც წინ გავიდა. ამის მერე მუდმივად მდევრის როლში ვიყავით, რამდენჯერმე გათანაბრებაც მოვახერხეთ. ბოლოს 40 წამით ადრე… საბერძნეთმა კი ბოლო შეტევა გამოიყენა და…
საქართველოს ნაკრები მეორე ტურის მატჩს 10 ნოემბერს, თბილისში, ისლანდიასთან გამართავს. ჯგუფში კიდევ ერთი გუნდი ბოსნიაა. შესარჩევ ეტაპზე პირველ-მეორე ადგილოსნები გადიან. შანსი აქვს რვა ჯგუფიდან ოთხ საუკეთესო მესამესაც.
