calciomercato — 7.0 გაბრწყინება ძნელი იყო, რადგან ძალიან უკნიდან თამაშობდა, მაგრამ კვარაცხელიასთვის ერთი ეპიზოდიც საკმარისა და სწორედ ეს მოხდა პირველი ტაიმის მიწურულს, როდესაც მან სადავეები ხელთ იგდო, მარჯვენა ფეხით ბურთი კარში შეაგდო და ანგარიში გახადა 2:0 („ნაპოლიმ” „სან სიროზე” „მილანი” 2:0 დაამარცხა).
iamnaples — 7.0 ალმასისებრად გაბრწყინებისა და მენიოს ნახევარშეცდომის წყალობით მან „ნაპოლის’’ მეორე გოლი გაიტანა, მაგრამ უნდა აღვნიშნოთ, რომ დაცვაში მთელმა გუნდმა დიდებული სამუშაო ჩაატარა და გუნდთან ერთად კვარაცხელიასაც ეტყობოდა მეტოქეებისთვის წინ აღდგომის საოცარი ჟინი.
areanapoli — 8.0 მან ოლივერასთან ერთად მეტოქის წინაშე გაუვალი კედელი აღმართა, შემდეგ კი იყო „სკალა დელ კალჩოს’’ (მილანის ოპერა „ლა სკალას’’ ანალოგიით იგულისხმება იმავე ქალაქის სტადიონი „სან სირო”) შესაფერისი კულმინაცია. ის ნამდვილი ჩემპიონია ყოველგვარი „თუ”-სა „მაგრამ’’-ის გარეშე. ყველას ვისაც სხვა აზრი აქვს სპორტის უამრავი სახეობიდან შეუძლია ნებისმიერი ამოარჩიოს და თავისუფალ დროს მისი ყურებით შეიქციოს თავი. მან ანგარიში გახადა 2:0 და შესაძლოა ეს სეზონის გადამწყვეტი ეპიზოდიც კი იყო.
Tuttonapoli — 8.0 მან ჩემპიონის შესაფერისი თამაში ჩაატარა: მებრძოლი განაპირა მცველის მსგავსად ოლივერას დასახმარებლად ძალ-ღონე არ დაიშურა, შემდეგ კი სცენაზე საჯარიმოს გარედან შესრულებული დარტყმით წარდგა და დაამტკიცა, რომ ფეხბურთელთა იმ ჯიშს ეკუთვნის, რომელიც სამწუხაროდ გადაშენების პირას დგას.
Ilnapolista ― 7.0 „ჩე კვარამაც’’ კი დაამტკიცა, რომ ყურადღებიანი მცველია. ხოლო 42-ე წუთზე მარცხენა ფრთიდან ფრთები გაშალა, შუაში შევიდა და ძლიერი, ზუსტი მოჭრილი დარტყმით მენიოს სძლია.
calcionapoli1926 — 7.5 პირველ ტაიმში დიდად არ ჩანდა. ერთი-ორი კონტრშეტევა წამოიწყო და თანაგუნდელებს დაცვაში ეხმარებოდა. მაგრამ, დიდი ჩემპიონები წამში აფეთქდებიან ხოლმე და ისიც ასეც მოიქცა. გაიტანა თავისებური გოლი, ლამაზი და აუღებელი. როგორც იქნა „მილანსაც’’ შეუგდო. მეორე ტაიმში თამაშზე დიდი გავლენა აღარ მოუხდენია, მაგრამ პირველი ტაიმის მსგავსად ხშირად ეხმარებოდა თანაგუნდელებს რითაც უადავოდ გაახარა კონტე, რაც მწვრთნელმა მისი შეცვლის დროს გამოხატა.
eurosport — 7.0 დიდებული გოლი შეაგდო, კიდევ ერთი სეზონის პირველ მონაკვეთში. როდესაც მას გოლი გააქვს იქმნება შთაბეჭდილება, რომ ყველაზე ერთი თავით წინ დგას.
napolipiu — 7.0 ვარსკვლავურ დონეს დაუბრუნდა.
calcionapoli24 — 7.0. მე-15 წუთზე შუიდან შეუტია, ხოლო შემდეგ, როდესაც ინიციატივა „მილანმა’’ ჩაიგდო, უკან ჩადგა. ბურთის გათამაშებაში დიდად აქტიური არ ყოფილა (პირველ ტაიმში 19 შეხება), მაგრამ ეს პრობლემა არ იყო, რადგან ერთ ეპიზოდში შუისკენ გადაინაცვლა და დაარტყა, რასაც „ნაპოლის’’ მეორე გოლი მოჰყვა.
napolimagazine — 8.0 მეორე გოლი საჯარიმოს გარედან, საუცხოო ტრაექტორიით გაიტანა.
Flashscore-მა კვარაცხელიას 7.6 დაუწერა, ხოლო whoscored-მა 7.8
