ევროპის უძლიერესი სარაგბო ჩემპიონატი, საფრანგეთის ტოპ 14 7 სექტემბერს აიღებს სტარტს.
ქართველებისთვის 2024-2025 წლების რეგულარული სეზონი კი იმითაა გამორჩეული, რომ მის მონაწილე 14 კლუბში ჩვენი თანამემამულეების უპრეცედენტო რაოდენობა ირიცხება. უფრო ზუსტნი თუ ვიქნებით, ქართველები ლიგის 14 კლუბიდან 12-ში არიან თავმოყრილნი – ჩემპიონი „ტულუზი“ და ტოპ 14-ის ახალბედა „ვანი“ ბოლო წლებში ფონს ქართველების გარეშე გადიან.
უპრეცედენტო კი იმიტომ, რომ ესპუარებიანად ქართველთა რიცხვმა 42-ს (!) მიაღწია და ეს ისტორიული მაქსიმუმი გახლავთ.
ყველაზე უხვად ჩვენებურები „ლიონსა“ და „მონპელიეში“ არიან – 6-6, „ბაიონმა კი კოტე მიქაუტაძე „ბრივში“ გაუშვა, გელა აფრასიძე – „პერპინიანში“ და ამ მხრივ ლიდერის პოზიცია დაკარგა.
2024/2025 წლების სეზონის ტოპ 14-ში ქართველების სრული ჩამონათვალი:
ბაიონი (3): ბადრი ციხისთავი, ლაშა ციხისთავი, ნიკა ლომიძე.
კასტრი (2): ლევან ჩილაჩავა, მათე ღურწკაია.
ლიონი (6): ირაკლი აფციაური, ბექა საღინაძე, ბექა შვანგირაძე, ლუკა საღინაძე, დავით ნინიაშვილი, ლუკა ხორბალაძე.
ლა როშელი (2): ალექსანდრე ქუნთელია, ნიკა სუთიძე.
რასინგ-92 (4): გურამ გოგიჩაშვილი, გია ხარაიშვილი, გაგი მარგველაშვილი, ვლადი აშვეთია.
მონპელიე (6): ნიკა აბულაძე, ლუკა ჯაფარიძე, ლუკა კოტორაშვილი, ვანო კარკაძე, ნიკოლოზ ჩხორთოლია, მათე ბერუაშვილი.
პო (3): ლექსო ყაულაშვილი, გურამ პაპიძე, ბექა გორგაძე.
პერპინიანი (4): გიორგი თეთრაშვილი, ვახტანგ ჯინჭარაძე, ანდრია დვალი, გელა აფრასიძე.
სტად ფრანსე (3): გიორგი მელიქიძე, სერგო აბრამიშვილი, ლუკა პეტრიაშვილი.
ტულონი (3): ბექა გიგაშვილი, დავით მჭედლიძე, მიხეილ შიოშვილი.
კლერმონი (4): გიორგი ახალაძე, გიგა თუთისანი, ლევან ეზიეშვილი, გიორგი გერგედავა.
ბორდო (2): ლევან კეპულაძე, გიორგი ხაინდრავა.