ესპანური პრესა ხაზს უსვამს, რომ „ლევანტეს” ქართველი ნახევარმცველი გიორგი ქოჩორაშვილი მეოთხედფინალამდე ევროპის ჩემპიონატის საუკეთესო „ორთაბრძოლების მომგები” ან თუ გნებავთ „ბურთის წამრთმევი” ფეხბურთელი გახდა. ეს ინფორმაცია სპორტული სტატისტიკის კომპანია Sofascore-ზე დაყრდნობით გავრცელდა. ქოჩორამ ოთხ შეხვედრაში 31-ჯერ აართვა მოწინააღმდეგეს ბურთი.
მეორე ადგილზე არის ესპანელი ნახევარმცველი ფაბიან რუისი (29), მესამეზე კი გერმანელი ვარსკვლავი ტონი კროოსი (28).
ქოჩორაშვილმა თურქეთთან შეხვედრაში საგოლე პასი შეასრულა და ძელს გაარტყა ბურთი.