პორტუგალიის ნაკრების თავდამსხმელმა კრიშტიანუ რონალდუმ ევრო 2024-ის სლოვენიასთან მერვედფინალურ მატჩში პენალტი ვერ გაიტანა.
39 წლის პორტუგალიელის დარტყმა იან ობლაკმა 105-ე წუთზე მოიგერია.
რონალდუსთვის ეს გაცუდებული პენალტი პირველი იყო 2022 წლის თებერვლის შემდეგ. თავის მხრივ, ობლაკმა 2022 წლის იანვრის შემდეგ პირველად მოიგერია 11-მეტრიანი.
რონალდუ ასევე გახდა პირველი ევროპელი 21-ე საუკუნეში, რომელმაც კონტინენტის პირველობაზე სამი პენალტი გააცუდა. პირველად ეს მოხდა 2016 წლის ევროპის ჩემპიონატზე ავსტრიასთან (0:0), მეორედ 2018 წლის მსოფლიო ჩემპიონატზე ირანთან (1:1).
ევრო 2024-ის მეოთხედფინალში პორტუგალია საფრანგეთს შეხვდება, რომელმაც ბელგიის ნაკრები ანგარიშით 1:0 დაამარცხა.
