საქართველოს და ჩეხეთის ნაკრებების შეხვედრა 1:1 დასრულდა. მატჩის გმირი ქართველთა მეკარე გიორგი მამარდაშვილი იყო, რომლის ფენომენალური თამაშის გარეშე კაცმა არ იცის რა ანგარიში დაფიქსირდებოდა. საინტერესოა, როგორ შეაფასა შეხვედრა ესპანურმა პრესამ — მოგეხსენებათ გიორგი „ვალენსიას” კარს იცავს.
AS წერს: „სიგიჟედ არ ჩაგვეთვლება თუ ვიტყვით, რომ გიორგი მამარდაშვილი საქართველოს ნაკრების ნახევარზე მეტია. და არც ის იქნება უსაფუძვლო, თუკი მას ჯერჯერობით ევროპის ჩემპიონატის საუკეთესო მეკარედ დავასახელებთ. მამარდაშვილი ვილი სანიოლის ნაკრებისთვის ფასდაუდებელია. სანამ შეეძლო (და კიდევ უფრო მეტ ხანსაც), მან გუნდი ფეხზე ამყოფა. რაც გააკეთა ჯადოქრობა იყო. საქართველო რომელსაც ჰყავდა ინერტული, იზოლირებული, დეპრესიული, ზედიზედ მეორე შეხვედრაში სანახევროდ ტრავმირებული კვარაცხელია, ევროპის ჩემპიონატს მამარდაშვილის წყალობით ჩაებღაუჭა. ის საღამოს მთავარი გმირი გახლდათ. მან ყველა დარტყმა მოიგერია.
მამარდაშვილის თამაში ევროპის ჩემპიონატზე ერთ-ერთი საუკეთესო იყო. ასე ბარეორ მეკარს არ გაუბრწყინია. თუ „ვალენსია” მის გაყიდვას აპირებს, ოღონდ ჯერ ყველაზე გულუხვ შეთავაზებას ელოდება, მაშინ გუშინდელი თამაში ზედგამოჭრილი იყო. ქართველმა 11 დარტყმა მოიგერია. ვალენსიაში ეკონომიკური მოსაზრებების გამო ალბათ უკვე ხელებს იფშვნეტენ.”
